Хийла сага вахар хоададеш, ший дег1а доалара из воаккхаш лазар да из нагахьа хьакхете. Цудухьа тахан цун уйла е еза вай. Берашта шоай ханнахьа вакцинаци яро, уж маьхий теха хиларо, вайна таро лу, майрра хила, цар унахц1енонна кхерам боацилга а ховш. Маьхий берашта цатехача даргдац. Цудухьа полиомиелит оалача унзарча лазара духьала оттара бераш хьадоаладар дех Илдарха-Г1алийт1арча дарбанче. Укхаза мел эшар долаш да, гаьна ваха везац, болх сиха бу, кхерам болаш х1ама а дац.

Вакцинаци яра раьза боацача, берий даьша дер доккха г1алат да, т1ехьаг1а дехке а баргба уж,- яхаш кхайкарал ду Илдарха-Г1ала дарбанчен лораша. Тахан масса йолча юрта амбулаторешка из болх д1ахьош ба. Хьадувла тхо долча а, сов баккха шоай сакхетам, лораде вай бераш, цар кхоане!